Diasabra mainta tempran ja e trabao nan a cuminsa pa preparacion pa e dianan di baseball. Manera e anja aki e comision di Liga Preparatorio a trese un cambio chikito na ora cu tur team participante na e campeonato, ora nan ta home team, nan lo ta hunga berdad na nan mes un veld. Diasabra e prome wega a bai entre Caprisun y White Sharks, aki nan Caprisun a gana cu score di 22 pa 15. E Best Battersnan pa Caprisun tawata Emanuel Aponte 3-2, Allan Provence 3-2 y Christian Salas 3-2. Pa White Sharks tawata Ghyomi Maduro 3-2, y Dyrenson Wouters 4-3. E di dos wega a bai entre Bright Bakery y Provence Pool Service, na unda cu Provence Pool Service a gana comodamente cu e score amplio di 11 pa 3. E pitcher ganador tawata Raibiently Mercalina y e pitcher perdedor a resulta Ronald Werleman. Pa Provence Pool Service a bati hit Jeremy Kelly 1-1, y Zyqu Guerrero 1-1, pa Bright Bakery tawata tin un solo hit cu a bini dor di William de la Cruz 2-1.

E ultimo wega di diasabra a bai cu ta un wega di Infantil A – 9/10 anja a bai entre Benjamin Security y Giants 2 (no tin sponsor oficial ainda), aki nan e wega a bai pa knock-out 10 pa 0. E equipo di Benjamin Security a gana.    Pitcher ganador a resulta O'brian Barret y esun perdedor tawata Mark Werleman. Best Batters nan BSS tawata Lyonell Briesen 2-1, Jerrick Francees 3-2, Artoir Herrera 4-4, Valentino Dirksz 1-1 y Miguel Thiel 1-1. Pa Giants 2 hit a bini dor di e bate di Jonathan Zambrano 3-2.

Diadomingo dia 29 di maart e animo di e muchanan a keda mescos y tempran caba nan a serca nan mes na veld hunto cu nan mayornan cu a bini cu blaas y fluit pa apoya e chikitinnan cu semper ta hunga e prome wega. Atrobe e equipo di Caprisun cu a enfrenta White Shark pa di dos biaha a bai cu e victoria, e wega a termina cu e score di 16 pa 8, aki nan e muchanan a hunga cu asina tanto smaak. E best battersnan pa Caprisun tawata Carlson Lopez 2-1, Allan Provence 2-1, Jeryon Agunbero 2-1, Richeandrick Perez 2-1, Derek Viana 2-1, Jarret Paesch 2-1. Pa White Sharks a bati hit Ghyomi Maduro 2-1. E di dos wega di Rookies AA cu ta muchanan di 7-8 anja, e muchanan di Bright Bakery a bini diferente cu e dianan anterior y aki a duna Provence Pool Service dolor di cabes te den e ultimo inning Provence Pool Service ta logra gana cu e score minimo di 10-9. E pitcher ganador na final a resulta Ardwin Tromp y esun perdedor tawata Anthony Carisal. E best batternan di PPS tawata Cal Maduro 1-1, y pa Bright Bakery tawata William de la Cruz 1-1 y Gerrick Bikker 1-1. E ultimo wega di dia a bai entre Benjamin Security y Giants 2, aki un biaha mas Benjamin Security ta gana cu score di 11-0. Pitcher ganador a resulta Endry Brito y perdedor tawata Quinten Werleman. Best Battersnan pa BSS tawata Jerrick Francees 3-3, Artoir Herrera 3-2, Guyon cannister 3-2. Pa Giants 2 tawata Mark Werleman 1-1 y Quinten Werleman 1-1. Asina e weekend a bai na Benjamin Security Mini Ballpark na Piedra Plat, pa e weekend aki Giants lo ta enfrentando SBO Savaneta Baseball Organization, pueblo di Aruba ta invita pa pasa na veld y disfruta di bon baseball.

E anja aki e baseball di Liga Preparatorio ta usando varios terenonan / ballparknan pa hunga e partidonan oficial di ABBA. Diasabra e prome wega a bai entre Marlins y Little Bob Cats, aki nan Marlins den Rookies A a gana cu e minimo score di 13 pa 12. E Best Battersnan pa Marlins Raizon Sneek 3-1, Jeandrick Croes 3-3, Shawndrick Koolman 3-2, Luis M. Webb 3-2 (qepd), Brandon de Cuba 2-1, Charleston Croes 2-1, Jaydrick Oduber 2-1, Ciro Guerrero 2-1.  Pa Little Bob Cats tawata Giomar Geerman 2-1, Kendrey Maduro 3-1, Mitchell Rodriguez 3-2, Tyrese Hodge 3-2, Dylan Curiel 3-2, Sem G. Thode 2-1, Joshua Lampe 3-1, Christoffer Croes 3-1, Brandon Hoftijzer 1-1. E di dos wega a bai entre  Marlins Rookies AA y Little Bob Cats Rookies AA , na unda cu e wega a keda empata na 5 careda. No tawata tin pitcher ganador. Pa Marlins a bati hit Gregshawn Tromp 2-1, pa Little Bob Cats tawata ta Nathan Yrausquin 1-1 y Joshua Figaroa 2-1. E ultimo wega di diasabra a bai cu ta un wega di Infantil A – 9/10 anja a bai entre Ecotech y Little Bob Cats, aki nan e wega a bai pa super knock-out 18 pa 1. E equipo di Ecotech a gana. Pitcher ganador a resulta Dionathan Cornet y esun perdedor tawata Jadier Colina. Best Batters nan Ecotech tawata Jorge Vrolijk 4-2, Raymond Krozendijk 2-1, Dionathan Cornet 1-1 y Joniel Vrolijk 2-2. Pa Little Bob Cats no tawata tin hit.

Diadomingo dia 29 di maart e wega nan a sigi na Noord Curacabai Ballpark. Mayoria vez e prome wega ta bai pa esunnan mas chikito di Rookies A. Atrobe e equipo di Marlins a bini brabo y ya gana facilmente di Little Bob Ctas cu e score di 15 pa 3. E best battersnan pa Marlins tawata Dustin Feliciano 3-1, Raizon Sneek 3-1, Jeandrick Croes 3-1, Shawndrick Koolman 3-3, Luis M. Webb 3-2 (qepd), D'Angelo Odor 3-1, Marshall Albertsz 3-2, Brandon de Cuba 2-1. 1. Pa Little Bob Cats a bati hit Kendrey Maduro 2-1, Mitchell Rodriguez 2-2, Dylan Curiel 2-1 y Joshua Lampe 1-1. E di dos wega di Rookies AA cu ta muchanan di 7-8 anja, e equipo di Little Bob Cats a gana di Marlins cu e score di 8 pa 1. E pitcher ganador na final a resulta Denvert Werleman y e perdedor ta Eugemar Helder. Best batternan di Little Bob Cats tawata Denvert Werleman 1-1, Nathan Yrausquin 1-1 y Shaquion Le Grant 2-1. Pa Marlins tawata Alejandro Figaroa 2-1 cu a bati hit. E ultimo wega di dia a bai entre Ecotech y Little Bob Cats, aki un biaha mas Ecotech a anota basta careda y ta gana cu score di 16-3. Pitcher ganador a resulta Jorge Vrolijk y perdedor tawata Emerson Cornelis. Best Battersnan pa Ecotech tawata Pascual Brown 3-1 y Jorge Vrolijk. Pa Little Bob Cats tawata Gaedon Wong 2-1. Un total di seis wega na Noord Curacabai Ballpark cu tur a bai bon. Comision di Liga Preparatorio tambe kier a welcome Little Bob Cats como un organisacion nobo di Pos Chikito cu awor tambe ta hungando baseball.

E serie final a bay te lo maximo di 5 wega. Ambos ekipo tabatin e ingredientenan pa bira campeon. Na final esun cu tabata mas productivo cu careda a bay cu e victoria. Cardinals a haci un tremendo ‘come back’ despues di tabata lomba contra muraya. Indians despues di a gana e prome 2 wega comodamente a perde e briyo y determinacion. Cardinals a medita profundamente buscando un luz pa sali di e situacion perta. Den di tres wega Cardinals a sa di haya su forma bek, cu a continua te final. Indians a keda den trance manera nan a wordo hypnotisa.

Indians a cuminsa wega den bon forma. Despues di 2 out Edson Thiel, pitcher habrido, ta duna base por bola na Signarf Loopstok y Jiandido Tromp. Milton Croes Jr. siguientemente ta dal un doblete contra muraya di right field pa empuha ambos.

Cardinals a responde di biaha den bom di prome inning. Edson ta habri inning cu doblete pa left field contra Marc Danies. Filbert Thiel ta poncha, pero Cedric St. Jago ta conecta hit pa center field. E cuarto bate Jean Franco Wouters ta sigui cu doblete entre center y right field pa empuha Edson y Cedric. Brian Thiel tambe a gusta e cuenta y ta dal un hit duro pa left field pa empuha Jean Franco. Den prome inning caba Cardinals tabatin 4 hit contra Marc cu no tabata efectivo.

Den segundo inning Indians a bay den blanco, pero Cardinals ta bolbe anota 3 careda, pa medio di hitnan di Edson, Cedric y Frankely ter Beek. Marc Danies ta laga e monticulo pa Andres Gomez. Den tercer inning Indians a menasa seriamente cu base yen, pero no ta concretisa careda. Den cabes di 4 atrobe Indians ta menasa, pero ta bay den blanco. Cardinals si ta probecha di un eror di Indians pa anota 2 careda mas. Despues di 2 out Brian Thiel ta yega primera dor cu Marc Danies ta laga e bala cay cu Chadwick a tira pe for di tercera. Frankely di biaha ta castiga Indians cu un homerun leu entre center y left field.

Den cabes di 5 Jiandido Tromp ta conecta un homerun solitario den center field y e wega ta bira 8-3. Den e siguiete inning Indians ta bolbe anota un careda. Marc ta habri inning cu hit y finalmente ta logra anota dor di un eror di Mario Kock na segunda.

Cardinals no a gusta cu Indians tabata corta e bentaha y ta responde cu 2 careda mas den bom di 6. Den cabes di 7 Indians ta logra anota un careda mas dor di 2 eror di e defensa di Cardinals. Edson ta haya relevo di Mario Kock cu a wanta Indians bon. Den bom di mes un inning Cardinals ta anota su ultimo careda. Edson ta habri inning cu triple pa right field y ta anota cu wild pitch. Indians ta menasa un biaha mas den cabes di 8, pero nada di careda. E wega ta termina 11-5.

Pitcher Ganado tabata Edson Thiel y perdedo Marc Danies. Cardinals tabatin 13 hit y a comete 5 eror. Indians tabatin 11 hit y a comete 2 eror.

Miho bateadornan pa Cardinals tabata:

Edson Tiel 5-4

Cedric St. Jago 4-2

Jean Franco Wouters 3-2 y 2 base por bola intencional.

Brian Thiel 4-2

Frankely ter Beek 5-2 (1Hr)

Miho bateadornan pa Indians tabata:

Jiandido Tromp 3-2 (1Hr)

Milton Croes Jr. 4-2

Abraham Taveras 5-3

Masha pabien na Cardinals y su fanaticada cu nan titulo di campeon y Indians cu nan titulo di sub campeon. Asina e campeonato di ABBA/LOTTO LEAGUE ta yega su fin.

Serie final ta empata na 2-2

Jhon Lopez ta carga Cardinals pa un gran victoria contra Indians

Cardinals a haya su magia bek. Despues di tabata lomba contra muraya ta bin empata e serie na 2-2, ganando 6-0 di Indians. Pues mañan lo tin e wega decisivo. Jhon Lopez a tira un tremendo wega. No ta tur dia bo ta mira un hoben di 15 aña tira un wega di 9 inning y no permiti careda. Indians ta logra dal solamente 3 hit contra Jhon, pero ta haya 12 ponche. Riba dje Jhon ta dal un homerun di liña pa center field pa empuha 3 careda den bom di 7 net ora su ekipo tabata gana pa e minimo bentaha di un careda.

Maske Cardinals a gana 6-0 te cu di 6 inning e wega tabata 0-0. Tabatin un duelo di pitcher entre Jhon y Milton Croes Jr. Den bom di 7 Cardinals dicidi di cambia di strategia. E cuarto bate Jean Franco Wouters ta habri inning cu toke di sorpresa y ta yega primera cu hit. Habriendo dimas Jean Franco ta wordo sorprendi na primera pa Milton y ta dicidi di sigui core pa segunda base. Marc Danies ta yude yega dor di tira malo pa segunda. Brian Thiel ta dal roling pa segunda. Chadwick Tromp ta fildea e bala den forma y ta purba sorprende Jean Franco na segunda, pero tur hende ta yega safe. Siguientemente Frankely ter Beek ta toke riba e pitcher y esaki ta tira malo pa tercera y Jean Franco ta anota. Jhon Lopez ta bin na bate. Milton ta tira un curva cu ta colga riba plato y Jhon ta sake di liña for di e parke den center field. E bala ta pasa e muraya cu yen di alegria pa Cardinals. Milton ta wordo releva pa Aldair Croes cu ta sera e inning. Den bom di 8 Cardinals ta bolbe anota 2 careda. Cedric St. Jago ta habri e inning cu hit pa right field contra e pitcher relevo Andres Gomez. Jean Franco ta haya un hit by pitch. Brian ta dal un bataso entre center y right field. Cedric ta logra anota, pero Jean Franco ta wordo gara na home. Riba e tiro pa home Brian ta avansa pa segunda. Frankely ta sigui cu hit entre left y center y Brian ta anota.

Indians den su ultimo oportunidad ta bay 1,2,3.

Pitcher ganado tabata naturalmente Jhon Lopez y perdedo Milton Croes Jr. Cardinals tabatin 6 careda, 9 hit y no a comete eror. Indians no tabatin careda, a dal 3 hit y a comete 3 eror.

Miho bateador pa Cardinals tabata:

Filbert Thie 4-2

Jean Franco Wouters 3-1

Brian Thiel 4-2

Frankely ter Beek 3-1

Jhon Lopez 4-1 (1 Hr, 3 RBI)

Mario Kock 3-1

Miho bateador pa Indians tabata:

Aldair Croes 3-1

Yosbert Yanes 3-1

Oscar Donata 1-1

E wega decisivo lo ta mañan, diahuebs 29 di Januari, pa 6’or di atardi na Dragon Hitters Ball Park.

Cardinals a saca su arma secreto poniendo e hobencito Filbert Thiel riba monticulo. E bateria fuerte di Indians no tabatin solucion adecuado pa e lansamientonan cu hopi movecion di Filbert. Porfin e bateo cayente di Cardinals a resona pa duna Filbert e confiansa necesario.

For di prome inning caba Cardinals a subi riba e lansamientonan di e pitcher Abraham Taveras di Indians. Edson Thiel ta habri wega cu hit pa center y ta avansa cu toke di sacrificio di Filbert. Cedric St. Jago tambe ta dal hit pa empuha Edson y ta yega segunda riba e tiro pa home. Jean Franco Wouters a sigui cu hit pa center pa empuha Cedric. Den bom di prome Indians ta menasa. Aldair Croes ta habri inning cu hit y ta avansa pa segunda base riba mal tiro. Andres Gomez ta dal un roling manso pa pitcher y ta sali out na primera. Signarf Loopstok ta dal hit pa left y ta avansa Aldair pa tercera. Jiandido Tromp ta dal un bala cayente pa tercera base, pero e tercera ta wante bon y ta gara Aldair na home.

Segundo y tercer inning a bay den blanco pa ambos ekipo. Den cabes di 4 e slugger di Cardinals, Cedric St. Jago, ta dal homerun cu 2 coredo na base, despues cu Edson a empuha un careda cu hit duro pa left. Cardinals ta bay dilanti 6-0. Den cabes di 6 picheo di Indians a cay den otro. Abraham a wordo releva pa Chadwick Tromp cu tampoco por a wanta e bateria di Cardinals. Cardinals ta anota 4 careda mas. Den cabes di 7 Cardinals ta anota 2 careda y e wega ta termina 12-0 den 7 inning. Indians aki aya tabata menasa, pero no por a concretisa careda.

Picher ganado tabata Filbert Thiel cu a bay henter e ruta di 7 inning y e perdedo tabata Abraham Taveras. Cardinals tabatin 12 careda, 12 hit y a comete 2 eror. Indians no tabatin careda, a dal 5 hit y a comete 3 eror.

Miho bateadornan pa Cardinals tabata:

Edson Thiel 5-3

Cedric St. Jago 5-3 (1 Hr y 4 RBI)

Jean Franco Wouters 5-4

Amadeo Nicolaas 2-1

Miho bateadonan pa Indians tabata:

Aldair Croes 2-1

Signarf Loopstok 3-2

Jiandido Tromp 4-2

Indians ta dilanti den e serie 2-1. E siguiente wega lo ta diaranson awor, 28 Januari, pa 6’or di atardi na Dragon Hitters Ball Park.

Ta parse cu Indians ta navegando riba awa trankil. E poder di Cardinals ainda no a manifesta.

Cadinals a cuminsa cu Edson Thiel riba monticulo, cu tabata tirando solido te cu di 6 inning. Indians a cuminsa cu Aldair Croes cu a bay solamente 2 inning, pa despues wordo releva sublime pa Marc Danies.

Cardinals a cuminsa e prome inning agresivo. Despues di un out Edson ta dal hit y Cedric St. Jago ta dal un homerun pa 2 careda. Den cabes di 2 Jiandido Tromp ta habri e inning cu un homerun solitario y te ey Indians ta keda.

Na ambos banda e picheo tabata hopi efectivo, pero den cabes di 4 Indians ta logra empata e wega na 2-2. Despues di un out Signarf Loopstok ta dal hit y ta avansa pa segunda pa mal tiro di e short stop. Pa via di un eror di segunda riba un roling di Milton Croes Jr. Signarf ta anota.

E wega ta sigui empata te cabes di 7. E ‘lucky seven’ a resulta Indians hopi bon. E ofensa di Indians a logra decifra e lansamientonan di Edson. Indians ta dal Edson 5 hit. Mario Kock ta releva Edson, pero tampoco ta logra domina e ofensa di Indians suficiente. Indians ta logra anota 7 careda pa habri e wega for di otro. Indians ta tuma bentaha di 9-2.

Den bom di 7 Cardinals ta logra anota un careda dor di un homerun solitario di Frankely Ter Beek. Den bom di 9 Marc Danies a tambalea, pero Cardinals ta logra anota un careda so. E wega a termina 9-4.

Pitcher ganado tabata Marc Danies y perdedo Edson Thiel.

Indians tabatin 9 careda, 10 hit y a comete 1 eror. Cardinals tabatin 4 careda, 10 hit y a comete 5 eror.

Miho bateadornan pa Indians tabata:

Signarf Loopstok 4-3

Jiandido Tromp 4-2 (1 Hr)

Marc Danies 4-2

Miho bateadornan pa Cardinals tabata:

Brian Thiel 4-2

Frankely Ter Beek 4-3 (1 Hr)

Amadeo Nicolas 1-1

Cedric St. Jago 4-1 (1 Hr)

Indians ta 2-0 den e serie final di un best out of 5. E siguiente wega ta dialuna awor, 26 di Januari, pa 6’or di atardi na Dragon Hitters Ball Park.

E prome wega di serie final entre Cardinals y Indians tabata basta bon. E fanaticada tabata den suspenso henter wega. Maske Indians tabata dilanti 7 inning largo, tur hende tabata sinti cu Cardinals lo por bolto e wega. Esey a sosode tambe den cabes di 8.

Indians a cuminsa cu Abraham Taveras riba monticulo y Cardinals cu e gigante Jhon Lopez. Indians a bin anota nan prome careda den bom di 2. Jiandido Tromp ta habri e inning cu hit pa center y ta yega tercera cu passball y wild pitch. Despues di 2 out Jiandido ta wordo empuha pa Marc Danies cu hit entre left y center.

Cardinals a bay den blanco e prome 4 inning, pero Indians ta anota 2 careda mas den bom di 4. Jiandido Tromp un biaha mas ta habri inning cu hit pa right. Milton Croes Jr. ta sigui cu hit by pitch. Abraham Taveras ta dal hit den cuadro y e basenan ta yena. Siguientemente Josbert Yanes y Marc Danies ta poncha. Despues di 2 out Chadwick Tromp, como ultimo bateado den aliniacion, ta dal doblete entre center y right pa empuha  Jiandido y Milton. Indians ta bay dilanti 3-0.

Den cabes di 6 Cardinals ta bin anota su prome careda. Despues di un out Joshue Leañez ta yega base cu hit by pitch. Edson Thiel ta dal roling pa segunda y Joshue ta muri na segunda.. Despues di 2 out Cedric St. Jago ta empuha Edson cu hit pa right. Den e siguiente inning Cardinals ta bolbe anota un careda. Jhon Lopez ta habri inning cu base por bola y ta yega segunda dor di mal tiro di e pitcher purbando un pick off. Brian Thiel ta dal hit pa right y e defensa ta haci eror riba e bala pa Jhon anota. Indians ta wanta e bentaha na 3-2.

Cardinals a haya e smaak di e wega y ta bay dilanti den cabes di 8. Despues di un out Joshue Leañez ta haya base por bola y Abraham ta wordo releva pa Andres Gomez. Edson Thiel ta sigui cu hit pa right y Joshue ta yega tercera. Cedric tambe ta dal un hit solido pa left pa empuha Joshue. Jean Franco Wouter ta dal roling pa short y Cedric ta muri na segunda, pero Jean Franco ta yega primera dor di mal tiro di segunda base. Dor di e eror Edson ta anota. Siguientemente Jhon Lopez ta dal un tremendo doblete entre center y right y Jean Franco ta anota. Cardinals ta bay ariba 5-3. Fanatica di Cardinals tabata den alegria, pero esaki no a dura mucho. Den mes un inning (bom di 8) Indians ta reacciona.

Jiandido Tromp ta habri inning y ta yega primera dor di eror di short. Milton Croes Jr. ta poncha y Abraham ta muri na primera, pero Jiandido ta avansa pa segunda. Despues di 2 out Josbert Yanes ta dal un hit venenoso pa right pa empuha Jiandido. Jhon Lopez ta wordo releva pa Mario Kock cu no a bin efectivo. Marc ta salude cu un liña pa right. Chadwick ta siguie cu un tremendo doblete casi contra muraya di left pa empuha Josbert. Aldair ta yega primera cu hit by pitch pa yena base y Andres Gomez ta dal hit pa empuha Marc. Edson Thiel ta releva Mario y ta duna Signarf Loopstok base por bola pa Chadwick anota.

Den ultimo oportunidad Cardinals no por a haci nada cu e picheo efectivo di Aldair Croes. Aldair ta tira 3 ponche consecutivo. E wega ta termina 7-5 pa Indians.

Indians tabatin 7 careda, 14 hit y a comete 6 eror. Cardinals tabatin 5 careda, 7 hit y a comete 1 eror. Pitcher Ganado tabata Abraham Taveras y perdedo Mario Kock.

Miho bateado pa Indians tabata:

Andres Gomez 4-4

Jiandido Tromp 5-3

Milton Croes Jr. 3-1

Josbert Yanes 4-2

Marc Danies 3-1

Chadwick Tromp 3-2

Miho bateado pa Cardinals tabata:

Cedric St. Jago 4-2

Jean Franco Wouters 3-1

Jhon Lopez 3-1

Brian Thiel 4-2

E siguiente wega ta diasabra awor pa 11’or di mainta na Dragon Hitters Ball Park.

Indians tabatin Cardinals lomba contra muraya, pero Cardinals tabatin e potencial pa haci un ‘come back’. Esey no a cristalisa. Indians for di comienso di e wega tabata den atake, maske Cardinals tabata duna resistencia.

Indians a cuminsa cu Ivo Vrolijk riba monticulo y Cardinals cu Ritchie Thiel. Den cabes di prome inning Indians ta probecha di un eror y un wild pitch pa anota e prome careda. Den cabes di 3 Indians ta bolbe probecha di un eror despues cu Gerson Croes ta dal hit y ta wordo empuha pa un fly di sacrificio di Chadwick Tromp.

Den bom di 4 Cardinals ta logra anota e prome careda. Alexander Lacle ta releva Ivo. Jonathan Pereira ta saluda Alexander cu doblete y ta logra anota dor di eror. Den cabes di 5 Indians su bateria ofensivo a sende. Ritchie Thiel no por a wanta mas y a wordo releva pa Anton Bruin y siguientemente pa Ruwin Tromp. Den e inning aki Junior Arends, Alexander Lacle, Chadwick Tromp y Andre Koolman ta dal hit y ta produci 4 careda. E wega a bira 6-2 pa Indians.

Den bom di 6 Cardinals ta logra anota su di 2 careda. Despues di un out Luigi Diaz ta dal hit y ta roba segunda y tercera. Luigi ta anota dor di un eror di primera. Den e inning aki Jonathan Ruiz y Jean Marc Fingal tambe a dal hit, pero no a produci careda. Den cabes di 7 Indians ta logra anota un otro careda dor di un homerun solitario di Chadwick Tromp pa haci e wega 7-2, cu tabata e score final.

Indians tabatin 7 careda, 6 hit y a comete 4 eror. Cardinals tabatin 2 careda, 5 hit y a comete 4 eror. Pitcher ganador tabata Alexander Lacle y perdedor Ritchie Thiel.

Miho bateador pa Indians tabata:

Chadwick Tromp 3-2 (1 HR)

Andre Koolman 2-1

Junior Arends 1-1

Gerson Croes 4-1

Alexander Lacle 4-1

Miho bateador pa Cardinals tabata:

Luigi Diaz 2-1

Jonathan Ruiz 4-1

Jean Marc Fingal 4-1

Yumarc Angela 4-1

Jonathan Pereira 4-1

Masha pabien na Indians cu nan titulo di campeon y Cardinals como sub campeon.

Dodgers cu un defensa debil no a duna Cardinals resistencia particular. Cardinals a gana facilmente pa medio di knock out den 7 inning 17-5.

Den prome inning caba Cardinals a anota 4 careda cu 5 hit. Den 2do inning Dodgers a mustra balentia y ta anota 2 careda, pero Cardinals ta responde den mes un inning cu 4 careda mas. E secuencia di careda tabata como lo siguiente:

Na ambos banda e picheo no tabata fuerte. Cardinals a cuminsa cu Jhon Lopez, pero den cabes di 3er inning e ta bandona e wega. Mario Kock a releve y ta gana e wega. Pa Dodgers a cuminsa Radjani Arrindell cu a wanta hopi bataso fuerte y finalmente a bandona e wega den bom di 5. Mitchell Martes a bin yude. Despues di a domina den 5to inning, Mitchell tambe a haya problema cu e ofensa di Cardinals den di 6 inning y a pasa e responsabilidad pa Jason Gisbertha.

Pitcher ganado tabata Mario Kock y perdedo Radjani Arrindell.

Miho bateador pa Cardinals tabata:

Edson Thiel di 5-4

Cedric St. Jago 4-2

Mario Kock 2-2

Brian Thiel 3-2

Filbert Thiel 4-2

Miho bateador pa Dodgers tabata:

Shawn Duinkerk 4-4

Jose Luis Maduro 3-2

Jason Gisbertha 1-1

E play off entre Cardinals y Dodgers ta continua dialuna awor, 6’or di atardi na Dragon Hitters Ball Park.

Den e wega aki e defensa na ambos banda no tabata di gaba. Na otro banda tabatin momentonan sorprendente. E prome tabata e grandslam di Signarf Loopstok den bom di 2, despues di 2 out. Den bom di 6 e hobencito di 13 aña Chadwick Tromp ta dal un homerun solitario y ta wordo sigui pa e di dos homerun di su primo Signarf Loopstok.

Mets a rally pisa den cabes di 3 anotando 5 careda, pero despues di esey nan a wordo paralisa pa e pitchernan di Indians, Milton Croes Jr. y den ultimo inning pa Andres Gomez.

E secuencia di careda tabata como lo siguiente:

Pitcher ganado tabata Milton Croes Jr. cu a releva Aldair Croes den cabes di 3. Por sierto un tremendo relevo pa un pitcher nobato. Pitcher perdedo tabata e estelar Shakir Arrindell cu a wordo releva pa Shaqeem Thomasia den bom di 3.

Miho bateado pa Indians tabata:

Signarf Loopstok 5-4 (2 Hr y 8 RBI)

Aldair Croes 5-2

Chadwick Tromp 3-2 (1 Hr)

Abraham Taveras 4-2

Andres Gomez 4-2

Miho bateado pa Mets tabata:

Jermain Manuel 4-2

Joseluis Gonzalez 3-1

Dwayne Luidens 3-1

Shaqeem Thomasia 3-1

E play off entre Indians y Mets ta continua diamars awor, 6’or di atardi na Dragon Hitters Ball Park.

Dodgers no a haya e magia pa mansa Cardinals. Cedric St. Jago su bate tabata explosivo conectanto un grandslam, 2 doblete, un hit y empuhando 8 careda. Na ambos banda e picheo a pasa den hopi pesadiya. Tabatin hopi base por bola sigui pa hitnan potente. Na final Cardinals a bay cu e victoria despues di 9 inning 19-9.

Cardinals a cuminsa cu Edson Thiel riba monticulo. Edson a tambalea hopi, pero su ofensa tabata yude wanta e wega suficiente te cu di 6 inning. Cedric St. Jago a bin yude, pero su control a keda na cas. Tabata atrobe Mario Kock a bin completa e wega. Na otro banda Dodgers a cuminsa cu Shawn Duinkerk cu a poncha basta bateador (9), pero no tabata consistente. Cardinals tabata probecha di cada oportunidad. Den cabes di 7 Mitchell Martis ta releva Shawn, pero e ta logra saca solamente un out. Despues Radjani Arrindell ta tuma rienda, pero tambe a wanta hopi bataso.

Den bom di 7 Shawn a sende un luz pa su ekipo dor di conecta un homerun di 3 careda den centerfield, pero den e siguiente inning Jhon Lopez ta conecta un homerun descomunal den center field pa paga e luz bek.

E secuencia di careda tabata como lo siguiente:

Pitcher ganado tabata Edson Thiel y perdedor Shawn Duinkerk.

Miho bateado pa Cardinals tabata:

Cedric St. Jago 5-4 (1 HR y 8 RBI)

Joshue Leanez 5-4

Jean Franco Wouters 6-3

Jhon Lopez 3-3 (1 HR)

Miho bateado pa Dodgers tabata:

Miklos Petronia 5-2

Shawn Duinkerk 4-2 (1 HR y 4 RBI)

Mitchel Martis 6-2

Cardinals ta clasifica pa e serie final cu lo cuminsa diabierna awor.

Mets tabata lomba contra muraya, pero a presenta pa gana. Despues cu Mets tabata gana te cu di 8 inning, Indians ta empata e wega den cabes di 9. Cu coredo na primera y segunda y 2 out Raypatrick Didder ta dal hit di oro pa duna su mes e victoria.

Tabata un wega di un nivel mas halto cu esun anterior den defensa y picheo. Pa Mets a cuminsa riba monticulo Jurven Tromp y pa Indians a cuminsa Abraham Taveras. Jurven a laga e wega den cabes di 7 y a wordo releva pa Raypatrick Didder cu a termina e wega. Abraham a bay te bom di 5 y a wordo releva pa Andres Gomez.

Den cabes di prome inning Indians ta piki bay dilanti pa medio di un doblete di Jiandido Tromp pa empuha su primo Signarf Loopstok. Den mes un inning Mets ta responde bek brabo. Jermain Manuel despues di a dal hit ta anota pa eror di e pitcher Albertico Noguera ta empuha Raypatrick y Shakir Arrindell cu hit pa left.

E sguiente 2 inning ambos ekipo a bay den blanco, pero den cabes di 4 Indians ta anota un careda mas. Abraham ta dal hit pa left y ta wordo empuha pa Andres Gomez. Den cabes di 5 Indians ta bolbe empuha un careda mas. Despues di un out Aldair Croes ta dal hit pa left y despues di 2 out ta wordo empuha pa Signarf Loopstok cu hit pa center. E wega ta empata 3-3. Mets no a gusta e cuenta y a habri feros riba Abraham den bom di 5. Jose Luis Gonzalez y Dwayne Luis ta conecta hit sigui. Shaqeem Thomasia ta poncha, pero Albertico Noguera ta haya base por bola pa yena base. Dwayen Kock ta haya base por bola y ta empuha Jose Luis. Siguientemente Jurven Tromp ta dal hit pa empuha Dwayne y Albertico. Mets ta bay ariba 6-3.

Indians ta sigui insisti y ta anota un careda mas den cabes di 6. Josbert Yanez ta dal hit pa center y ta wordo empuha cu hit di Marc Danies.

E siguiente 2 inning ambos ekipo ta bolbe bay den blanco. Indians no kier a rindi y ta empata e wega na 6-6 den cabes di 9. Signarf y Jiandido tad al hit sigui. Milton Croes tambe ta sigui nan y ta empuha Signarf cu hit den cuadro. Abraham ta sacrifica cu fly pa left pa empuha Jiandido.

Indians a cuminsa haya esperansa di gana e wega, pero e no a dura mucho. Albertico ta habri bom di 9 cu hit y Eugene Gumbs ta drenta como coredo emergente. Eugene ta yega segunda cu toke di sacrificio di Dwayne Kock. Jurven ta poncha, pero Jermain ta haya base por bola. Andres cu tabata lucha pa haya e strike zone, ta topa cu Raypatrick na bate. Cu hopi pasenshi Raypatrick a warda su lansamiento pa dal hit entre left cu center y ta empuha Eugene pa laga Indians riba tereno.

Picher ganado tabata Raypatrick Didder y perdedo Andres Gomez. Mets tabatin 7 careda, 8 hit y 1 eror. Indians tabatin 6 careda, 13 hit y 2 eror.

Miho bateado pa Mets tabata:

Shakir Arrindell 3-1

Jose Luis Rodriguez 4-2

Dwayne Luidens 3-1

Albertico Noguera 3-2

Miho bateado pa Indians tabata:

Signarf Loopstok 4-3

Jiandido Tromp 4-2

Josbert Yanes 5-2

Marc Danies 1-1

E wega decisivo lo ta diahuebs awor 6’or di atardi na Dragon Hitters Ball Park.

Despues cu Mets a empata e serie tabata di spera cu e wega decisivo lo tabata perta. Esey no tabata e caso. Indians a gana 17-7 den bom di 8, despues di a tuma un bentaha den bom di 2 (8-3) y no a laga esaki bay mas. Indians a cuminsa cu e pitcher novato Milton Croes Jr. y Mets cu Shakir Arrindell. Shakir mester a pasa e wega den bom di 2 pa Shaqeem Thomasia despues di a ricibi basta castigo di e ofensa di Indians. Milton tambaleando den casi tur inning a logra wanta te cabes di 7 y a wordo releva pa Andres Gomez.

Ambos ekipo tabatin un bon ofensa, pero e hitnan oportuno a resulta determinante pa Indians.

E secuencia di careda tabata como lo siguiente:

Pitcher ganado tabata Milton Croes Jr. y perdedo Shakir Arrindell.

Miho bateado pa Indians tabata:

Aldair Croes 5-4

Signarf Loopstok 5-2 (1 Hr solitario)

Milton Croes Jr. 4-2

Abraham Taveras 4-2

Josbert Yanes 5-2

Marc Danies 4-2

Miho bateado pa Mets tabata:

Raypatrick Didder 3-1

Albertico Noguera 4-2

Shaqeem Thomasia 4-2

Terrance Frank 2-1

Jurven Tromp 1-1

Diabierna awor e serie final ta cuminsa entre Cardinals y Indians pa 6’or di atardi na Dragon Hitters Ball Park.

E segundo wega di un best out of 5, Indians ta bolbe gana Cardinals comodamente 8-1. Cu Alexander Lacle riba monticulo Indians tabatin Cardinals mara. E estelar pitcher di Cardinals Ritchie Thiel no tabatin su dia y a soporta basta bataso fuerte.

Den prome inning Indians ta bay dialnti 3-0. Despues di un out Gerson Croes y Chadwick Tromp ta embasa cu hit. Siguientemente Andre Koolman ta dal un doblete pa empuha ambos. Andre ta wordo empuha pa Alexander Lacle cu hit. Den segundo inning Indians ta amplia e score cu 2 careda, cu un base por bola, un eror mental di Cardinals y 2 hit. Indians ta sigui navega sin problema y ta bolbe anota 2 careda mas den bom di 4 y uno den bom di 5. Cardinals ta logra anota su unico careda den cabes di 5. Despues di un out Rudwyn Tromp ta haya hit by pitch y ta roba segunda. Jordan Perreira ta poncha, pero Greg Boekhoudt ta dal un doblete den left field pa empuha Rudwyn.

Indians tabatin 8 careda, 13 hit y no a comete eror. Cardinals tabatin un careda 3 hit y no a comete eror. Pitcher ganador tabata Alexander Lacle cu a bay ful e ruta di 7 inning cu 8 ponche. Pitcher perdedor tabata Ritchie Thiel cu a bay 4 inning completo y a wordo releva pa Jordan Perreira y despues pa Ruwin Tromp.

Miho bateador pa Indians tabata:

Eugene Helder 3-2

Chadwick Tromp 3-2

Andre Koolman 4-4

Jordan Croes 2-1

Ivo Vrolijk 2-1

Junior Arends 2-1

Miho bateador pa Cardinals tabata:

Jonathan Ruiz 3-1

Yumarc Angela 2-1

Greg Boekhoudt 2-1

Grandslam di Dijandrick Croes den 5to inning a corta tur speransa di Athletics

Despues cu e wega tabata empata te cu 4to inning 1-1, den 5to inning Indians su machine di hit a sende formalmente. Un grandslam di Dijandrick Croes despues di 2 out a paralisa tur hende den e parke di Ripoldo Ball Park. Algo asina bo no ta waak tur dia den e categorianan aki.

Athletics a cuminsa e wega bon y stabil cu Jair Solano riba monticulo. Ryan Oduber ta habri wega cu hit y ta wordo empuha cu hit di Jair Solano. Indians, cu e hoben pitcher Gillian Wernet riba monticulo, a keda calmo. Ta te den bom di 4to inning Indians ta logra empata e wega 1-1. Rocky Donker ta habri e inning cu hit. Un eror di primera base a yuda pa finalmente Dijandrick Croes empuha Rocky cu rolling pa short stop.

Den cabes di 5 Athletics ta yena e basenan sin out, pero Gillian a sa di domina e siguiente bateadornan sin permiti careda. Den bom di mes un inning, Indians ta rally pa 6 careda. E momento crucial tabata despues di 2 out y base yen cu Rocky, Tyron y Gillian na base, Dijandrick ta dal un homerun leu den center field. Ryan Oduber a haci su maximo esfuerso pa yega e bala, pero no a logra. Indians a bay dilanti comodamente 7-1.

Den siguiente inning Indians ta bolbe anota 4 careda mas pa laga Athletics riba tereno pa medio di knock out.

Tabatin hopi ambiente na Ripoldo Ball Park na unda fanaticada di ambos ekipo tabata apoya e atletanan cu hopi bochincha. Na final Indians tabata den alegria ora Randal Murray a anota e careda di victoria.

Ambos ekipo a desplega un tremendo baseball durante e campeonato regular, e play off y final. Un pabien caluso na Indians cu nan titulo di campeon y Athletics cu nan titulo di sub-campeon.

Indians tabatatin 11 careda, 12 hit y a comete 2 eror. Athletics tabatin 1 careda, 5 hit y a comete 3 eror. Pitcher ganador tabata Gillian Wernet cu a bay 5 2/3 inning y a wordo releva pa Tyron Maduro. Pitcher perdedor tabata Jair Solano cu a bay 5 inning completo y a wordo releva pa Sander Castro.

Miho bateador pa Indians tabata:

Ayrton Reyes 4-2

Cedrick Tromp 2-2

Rocky Donker 4-2

Dijandrick Croes 3-1 (1 HR y 5 RBI)

Walter Kelly 3-3

Mihor bateador pa Athletics tabata:

Ryan Oduner 4-3

Kaenu Bergen 2-1

Jair Solano 3-1

Indians ta habri e serie final cu victoria riba Cardinals. Cardinals su defensa y picheo no a logra domina e ofensiva di Indians. Te cu 4to inning Indians tabata gana comodamente 8-0, pero den cabes di 5 Cardinals ta probecha di 2 eror di Indians combina cu 2 hit pa anota 4 careda y haci e wega 8-4. Den bom di 6 Indians ta anota un careda mas. Den nan ultimo oportunidad Cardinals su bateria ta sende bon y ta pone Indians den tremendo presion.. Despues di a picha 6 inning basta stabil Ivo Vrolijk ta wordo saluda pa Luigi Diaz cu triple y ta score cu wild pitch. Despues cu Jonathan Ruiz a haya base por bola, Jean Marc Fingal dal hit. Ivo ta bandona e monticulo y Eugene Helder ta releva. Eugene tambe ta wordo ricibi cu hit di Ashwin Feliciano y doblete di Yumarc Angela. Siguientemente Eugene ta logra domina e resto di bateador. En total Cardinals ta anota 3 careda den e inning aki, pero ta perde 10-7.

Indians tabatin 10 careda, 13 hit y a comete 2 eror. Cardinals tabatin 7 careda, 8 hit y a comete 7 eror. Pitcher ganador tabata Ivo Vrolijk cu a bay 6 inning complete. Pitcher perdedor tabata Anton Bruin cu a bay 5 inning complete.

Miho bateador di Indians tabata:

Gerson Croes 4-2

Chadwick Tromp 5-3

Ryan Huntington 4-3

Miho bateador di Cardinals tabata:

Jonathan Ruiz 1-1

Ashwin Feliciano 2-1

Yumarc Angela 2-2

Ritchie Thiel 1-1

E serie final ta continua mañan diadomingo (30 November), 1’or di atardi, na Olympic Ball Park.

Indians a bin cu un ofensiva feros pa gana Athletics comodamente 10-2. Rocky Donker a haci un tremendo labor riba monticulo pa bay cu e victoria.

Den bom di 4to inning ya Indians tabata dilanti 4-0 cu un total di 7 hit. Ryan Oduber cu a habri e wega pa Athletics a soporta hit den tu direccion. Den cabes di 2 inning Ryan a haya relevo di Jair Solano pa calma Indians. Pa motibo strategico Jair a picha 2 inning so. Despues ta Joward Croes a bin riba monticulo y tambe a cuminsa domina Indians basta bon, pero den cabes di 6 e tambe mester a bandona e monticulo.

Athletics a purba di resucita den bom di 4 y ta logra corta e bentaha di Indians cu 2 careda pa e wega bira 5-2. Den cabes di 6 Indians ta piki 5 careda mas pa haci e wega 10-2. Casi tur hungador di Indians a dal hit den e wega.

Athletics despues di a gana e prome wega di serie final pa knock out awor ta lomba contra muraya.

Indians tabatin 10 careda, 16 hit y no a comete eror. Athletics tabatin 2 careda, 8 hit y a comete 6 eror. Pitcher ganador tabata Rocky Donker cu a bay 7 inning completo, tirando 8 ponche. Ryan Oduber tanata e pitcher perdedor.

Miho bateador pa Indians tabata:

Ayrton Reyes 4-2

Albert Pop 4-2

Tyron Maduro 5-3

Dijandrick Croes 5-3

Gillian Wernet 4-3

Miho bateado pa Athletics tabata:

Ryan Oduber 3-1

Joward Croes 4-2

Wimbert Apostel 4-2

Sander Castro 3-1

Jirvin Penja 3-1

E serie final ta continua mañan diadomingo (30 di November), 11’or di mainta na Ripoldo Ball Park.

Despues di a perde e prome wega di play off 2-1 den 9 inning, Braves ta recupera y ta gana Cardinals 6-4 pa empata e serie.

Braves un biaha mas cu Pedro Rangel riba monticulo y Cardinals cu Jordan Pereira. Ambos pitcher tabata domina den prome 3 inning. Den 4to inning Braves ta tuma un bentaha di 2-0 dor di anota cu 2 pass ball. Cardinals no a gusta e cuenta y ta empata esaki den cabes di 5 inning. Jean Mark Fingal y Luigi Diaz ta haya base por bola y Jonathan Ruiz ta empuha nan. Den cabes di 6 inning Cardinals ta tuma e bentaha 3-2 dor di probecha di 2 eror di e defensa di Braves despues di un doblete di Yumarc Angela. Braves den mes un inning ta reacciona fuerte y ta anota 4 careda pa medio di un doblete di Alvaro Rodriguez, un hit di Wai Lok Tam y un hit di Rajic Cornelio.

Den ultimo oportunidad Cardinals ta bolbe anota un careda mas, pero ta keda cortico y ta perde 6-4.

Braves tabatain 6 careda, 6 hit y a comete 3 eror. Cardinals tabatin 4 careda, 3 hit y a comete 3 eror. Pitcher ganador tabata Pedro Rangel cu a bay 5 inning completo cu a wordo releva pa Danny Tromp den di 6 inning. Alvaro Rodriguez a releva Danny den di 7 inning. Pitcher perdedor tabata Jordan Pereira cu a bay 5 1/3 inning cu a haya relevo di Anton Bruin den di 6 inning.

Miho bateador pa Braves tabata:

Alvaro Rodriguez 2-1

Rajiv Cornelio 3-2

ElgiomAr Faro 2-1

Wai Lok Tam 1-1

Miho bateador pa Cardinals tabata:

Jonathan Ruiz 3-1

Yumarc Angela 4-2

Despues cu Braves a empata e serie 1-1 tabata di spera cu e wega final lo tabatin hopi suspenso. Esaki no tabata e caso. Braves a hinca su mes den un pesadiya den bom di segundo inning y no a logra recupera. E pitcher habridor di Braves Alvaro Rodriguez no tabatin control. Cu 3 hit Cardinals ta logra anota 7 careda den segundo inning. Probechando di 3 base por bola y un hit by pitch. Basicamnete e wega a bay for di man den e inning aki. Cardinals tabata ariba 8-0.

Na otro banda e pitcher di Cardinals, Ritchie Thiel, tabata efectivo y a bay ful e ruta. Den cabes di 4 Braves ta anota su prome careda pa medio di un hit di Elgiomar Faro cu ta wordo empuha pa hit di Wai Lok Tam. Den mes un inning Cardinals ta responde cu 2 careda mas. Yumarc Angela ta habri inning cu doblete y ta anota dor di un eror riba un bataso di Jean Marc Fingal cu tambe ta anota dor di eror.

Den cabes di 5 Braves ta bolbe anota un careda dor di probecha di un eror di tercera base di Cardinals. Den bom di 6 Cardinals ta probecha di un eror di Braves ta anota un careda mas. Careda cu a wordo empuha cu hit di Ritchie Thiel.

Den ultimo oportunidad Braves ta anota un careda dor di eror y wild pitch, pero ta perde 11-3.

Cardinals tabatin 11 careda, 6 hit y a comete 1 eror. Braves tabatin 3 careda, 7 hit y a comete 4 eror. Pitcher ganador tabata Ritchie Thiel y Alvaro Rodriguez a perde. Alvaro a wordo releva den bom di segundo inning pa Enrique Almanzar y siguientemente pa Elgiomar Faro.

Asina Cardinals ta clasifica pa e gran final contra Indians. E final lo cuminsa diasabra awor, 11’or di mainta na Olympic Ball Park.

Miho bateador pa Cardinals tabata:

Jordan Pereira 3-1

Yumarc Angela 3-2

Ritchie Thiel 4-2

Jean Marc Fingal 3-1

Miho bateador pa Braves tabata:

Enrique Almanzar 3-2

Elgiomar faro 3-2

Contrario na e wega di ayera, awe Indians a calma Athletics cu Rocky Donker riba monticulo. E wega basicamnete a wordo dicidi den prome inning. Indians a sali agresivo riba e lansamientonan di Sander Castro. Ayrton Reyes ta habri e wega cu hit, Ayubi Zahid ta muri y Rocky Donker ta yega base dor di un eror di e right field di Athletics. Siguientemente riba e prome lansamiento Tyron Maduro ta dal un homerun den left field. Jeandrick Oduber tambe ta dal hit y ta wordo empuha pa un hit di Dijandrick Croes.

Den cabes di 3 Athletics ta anota un careda. Terrence Simileer ta dal di hit. Jirven Penja ta yega base cu eror di segunda y Ryan Oduber ta haya base por bola. Kaenu Bergen ta empuha Terrence cu hit. E wega ta bira 4-1 pa Indians.

E pitchernan di ambos ekipo tabata domina e bateria di e ekipo contrario. Den di 5 inning Jair Solano ta releva Sander Castro, pero Indians ta logra anota un careda mas den bom di 6. Jeandrick Oduber, Walter Kelly y Dijandrick Croes ta dal hit consecutive y Jaidwick Tromp ta empuha Jeandrick cu hit. Athletics no a logra desifra suficiente e lansamientonan di Rocky. Rocky a bay ful e ruta di 7 inning.

E serie ta empata 1-1 di un best out of 5.

Indians tabatin 5 careda, 9 hit y a comete un eror. Athletics tabatin 1 careda, 4 hit ya  comete 1 eror. Pitcher ganador tabata Rocky Donker y Sander Castro a perde.

Miho bateador di Indians tabata:

Tyron Maduro 3-1 (1HR, 3 RBI)

Jeandrick Oduber 3-2

Walter Kelly 3-1

Dijandrick Croes 3-3

Jaidwick Tromp 2-1

Miho bateador pa Athletics tabata:

Kaenu Bergen 3-1

Joward Croes 3-1

Sander Castro 3-1

Indians vs. Mets

Diasabra

Ivo Vrolijk di Indians ta tira un one hitter den e prome wega di play off contra Mets. Mets no a hay ningun tipo di oportunidad. Shamouk Greaux a dal e unico hit pa Mets den ultimo inning. Carl-Lhando York pitcher di Mets a bay ful e ruta tambe.

Den 3er inning Indians ta anota e prome careda pa medio di hit di Chadwick Tromp y Andre Koolman. Den 4to inning Indians ta amplia e bentaha cu 3 careda mas. Indians a probecha di un par di eror di Mets. Den di 6 inning Indians ta anota 2 careda mas pa wega termina 6-0.

Picher ganador tabata Ivo Vrolijk Jr. cu a bay ful e ruta di 7 inning. Ivo a permiti solamente un hit, a tira 12 ponche y a duna 5 base por bola. Carl-Lhando York a perde. Carl-Lhando a permiti 6 careda, 7 hit, a tira 9 ponche y a duna 7 base por bola.

Indians tabatin 6 careda, 7 hit y no a comete eror. Mets tabatin 0 careda, un hit y a comete 5 eror.

Miho bateador pa Indians tabata:

Eugene Helder 4-2

Alexander Lacle 2-1

Chadwick Tromp 2-2

Andre Koolman 4-2

Ryan Huntington 2-1

Miho bateador pa Mets tabata:

Shamouk Greaux 2-1

Diadomingo

E segunto wega tabatin mas accion na ambos banda. Awacero a yuda Indians sali di un perta den ultimo inning pa gana 8-6. Alexander Lacle a cuminsa riba monticulo pa Indians y Shamouk Greaux pa Mets.

Indians a cuminsa bravo den prome inning y ta anota 3 careda. Eugene Helder y Chadwick Tromp ta dal doblete y mets ta comete 3 eror. Den 2do inning Indians ta amplia e bentaha cu 2 careda mas. Eugene Helder, Alexander Lacle y Chadwick Tromp ta dal hit consecutive. Den mes un inning Mets ta corta e bentaha cu 2 careda. Jean Carlos Geerman tad al hit y TJ Nedd tad al un doblete. E wega a bira 5-2.

Den 5to inning Indians ta anota un careda mas y den 6to inning 2 mas. Eugene Helder, Chadwick Tromp y Andre Koolman tad al di hit. Den mes un inning Mets ta anota 2 careda tambe pa medio di un hit di Juwon Tucker un base por bola di Carl-Lhando York y un eror di Indians. Den ultimo oportunidad (7 inning) Mets ta anota 2 careda mas pa medio di 2 doblete consecutivo di Injomar Bergrock y Jeswin Jansen.

Cu 2 coredor na base y 2 out un awacero enorme a cay. E tereno a keda na werki y Indians ta gana.

Pitcher ganador tabata Alexander Lacle. Alexander a picha 6 inning complete y a haya relevo di Eugene Helder den ultimo inning. Alexander a permiti 6 careda, 7 hit, a tira 1 ponche y ta duna 5 base por bola.

Shamouk Greaux a bay ful e ruta di 7 inning pa Mets. Shamouk a permiti 8 careda, 10 hit, a tira 9 ponche y a duna 4 base por bola.

Miho bateador pa Indians tabata:

Eugene Helder 4-3

Chadwick Tromp 4-3

Andre Koolman 3-2

Miho bateador pa Mets tabata:

Juwon Tucker 2-1

Jean Carlos Geerman 2-2

TJ Nedd 3-1

Chriss Kross 2-1

Indians ta wardando awor riba e ganador entre Cardinals y Braves.

Cardinals vs. Braves

Diasabra

Den un tremendo wega di suspenso Cardinals ta gana Braves den di 9 inning 2-1. E wega tabatin tanto suspenso cu e manager di Cardinals no a protesta cu e pitcher di Braves a bay mas cu 7 inning, cu ta e maximo cu e por tira den un wega.

Ritchie Thiel ta haci un tremendo labor tirando 6 1/3 inning. Ritchie ta wordo releva pa Anton Bruin den di 7 inning cu a sali e pitcher ganador. Pa Braves Pedro Rangel a bay 9 inning completo.

Braves ta bay dilanti 1-0 den 3er inning. Alvaro Rodriguez ta yega base cu hit y ta roba segunda. Enrique Almanzar ta dal hit pa empuha Alvaro. Den mes un inning Cardinals ta empata e wega. Jonathan Ruiz ta yega base cu un eror di e tercera base y ta yega te segunda. Jonathan ta logra anota dor di eror di e pitcher y e center field.

Den di 9 inning Braves ta menasa seriamente y ta logra yena e basenan, pero no ta anota. Den mes un inning despues di 1 out Jonathan Ruiz ta haya base por bola. Jordan Pereira ta sali out, pero Ashwin Feliciana ta dal hit y ta avansa Jonathan te tercera. Siguientemente Yumarc Angela ta dal doblete pa empuha Jonathan pa laga Braves riba tereno.

Pitcher ganador tabata Anton Bruin cu a releva Ritchie Thiel. Pedro Rangel ta perde despues di un tremendo show di picheo.

Cardinals tabatin 2 careda, 7 hit y a comete 2 eror. Braves tabatin 1 careda, 9 hit y a comete 8 eror.

Miho bateador pa Cardinals tabata:

Ashwin Feliciano 4-2

Yumarc Angela 5-3

Ritchie Thiels 3-1

Miho bateador pa Braves tabata:

Alvaro Rodriguez 3-2

Jonathan Perez 4-3

Rajiv Cornelio 4-2

Diadomingo

Diadomingo e segundo wega di play off no a continua dor di awacero

Cardinals y Braves lo topa otro atrobe diasabra awor pa 10’or di mainta na Olympic Ball Park. Diadomingo lo tin e prome wega di final entre Indians y ?????. E final ta un best of 5.

Athletics cu a termina na prome lugar den campeonato regular a sacudi Indians den prome wega di final cu un knock out den di 6 inning 10-0. Maske e score ta mustra cu Indians no a duna bataya, esey no ta e caso. Den casi tur inning nan tabata menasa di anota careda, pero no por a concretisa esaki. Nan a laga en total 10 coredo na base. Athletics gradualmente a tuma mando di e wega y no a laga esaki los.

Athletics a cuminsa riba monticulo cu Ryan Oduber, cu a bay ful e ruta di 6 inning. Indians a cuminsa cu Jeandrick Oduber. Indians a usa 4 pitcher en total. E control di e pitchernan di Indians aparentemente a keda den nan tas di baseball. Nan a duna en total 9 base por bola y un hit by pitch.

Ryan Oduber di Athletics si tabata den su dia. Maske Ryan a poncha 2 bateador so, e tabata saca su outnan. Su defensa tambe a yude bon.

Athletics ta score 2 careda den prome inning pa via di 3 base por bola y 2 hit consecutivo di Emir Escobar y Jair Solano. E siguiente inning Indians ta menasa fuerte, pero ta laga 3 coredor na base. Athletics si ta amplia su bentaha cu 2 careda mas. Den 3er inning Athletics ta score 2 careda atrobe dor di probecha di un eror, 2 base por bola y sigui pa un hit di Emir Escobar.

Den siguiente inningnan Indians ta dal hitnan solitario. Den 5to inning Athletics ta castiga e picheo di Indians. Tabatin 2 homerun sigui di Emir Escobar y Jair Solano. Joward Croes y Wimbert Apostel tambe ta dal hit pa un total di 3 careda. Den bom di 6to inning ta Jirvin Penja ta score e careda di knock out, empuha pa Jair Solano.

Athletics tabatin 10 careda, 11 hit y a comete 2 eror. Indians tabatin 0 careda, 7 hit y a comete 2 eror. Pitcher ganador tabata Ryan Oduber. Jeandrick Oduber a perde pa Indians.

Mihor bateador pa Athletics tabata:

Emir Escobar 5-4 (1 HR, 4 RBI)

Jair Solano 5-2 (1HR, 4 RBI)

Joward Croes 3-1

Wimbert Apostel 1-1

Anthony Figaroa 2-1

Jirvin Penja 3-1

Miho bateador pa Indians tabata:

Ayrton Reyes 3-1

Albert Pop 3-1

Rocky Donker 3-1

Jeandrick Oduber 3-1

Walter Kelly 3-1

Dijendrick Croes 2-1

Premiacion ABBA/LOTTO LEAGUE 2007-2008

 
INFANTIL AA

Miho bateador              Karel Arends Jr. (Indians): Averahe 581 (25 hit den 43 turno)

Mas careda empuha     Karel Arends Jr.  (Indians): 18 careda empuha

Mas wega gana            Eugene Helder Jr. (Indians): 4 wega gana y 0 perdi

Mas homerun               Emon Webb (Athletics): 4 homerun

Mas base roba             Emon Webb (Athletics): 6 base roba

 
Hubenil A

Miho bateador              Yosbert Yanes (Indians): Averahe 511 (24 hit den 47 turno)

Mas careda empuha     Aldair Croes  (Indians): 16 careda empuha

Mas wega gana            Aldair Croes  (Indians): 6 wega gana y 2 perdi

Mas homerun               Vijandrick Jacobs (Yankees): 4 homerun

Tres atleta a keda empata cu 4 homerun, esta Miklos Petronia (Mets), Aldair Croes (Indians) y Vijandrick Jacobs. A duna e premio na esun cu tabatin e miho promedio di homerun.

Mas base roba             Stanrick Ricao (Yankees): 15 base roba

Richinald Bikker tambe tabatin 15 base roba, pero esaki a wordo gara un biaha den intento di robo.

 Hubenil AA

Miho bateador              Jiandido Tromp (Indians): Averahe 587 (27 hit den 46 turno)

Mas careda empuha     Jiandido Tromp (Indians): 21 careda empuha

Mas wega gana            Ronald Ocampo  (Indians): 5 wega gana y 0 perdi

Mas homerun               Lynell Koolman (Reds): 6 homerun

Mas base roba             Signarf Loopstok (Indians): 13 base roba